ik pal kahin ruke the safar yaad aa gaya
phulon ko hansta dekh ke ghar yaad aa gaya
titli ke saath aa.i tiri yaad bhi hamen
rakkha hua kitab men par yaad aa gaya
baiThe the jis ki chhanv men ham donon muddaton
kya jaane aaj kyuun vo shajar yaad aa gaya
sarhad se koi aaya hai phir ḳhuun mangne
ik maan ko apna laḳht-e-jigar yaad aa gaya
phenka tha main ne tanz ka patthar kisi ki samt
‘ghalib’ ki tarah apna hi sar yaad aa gaya
Leave a Reply