ahmed-nisar

Ishq Mein Barbaad Hone Ke Siwa Rakkha Na Tha

ishq men barbad hone ke siva rakkha na tha

gham ko sahne ke alava koi bhi chara na tha

yaad rah rah kar kisi ki hai satati raat bhar

sub.h hote bhuul jaana ye tujhe sheva na tha

ye tiri ulfat mujhe rakhti hai betabi men gum

ye sabhi ko thi khabar lekin koi charcha na tha

aina dekhun to kyuun tu hi nazar aae mujhe

bolta hai kya tira chehra mere jaisa na tha

din guzar jaata hai duniya ki masafat men magar

raat hi ik imtihan hai jis ka andaza na tha

raat ki tanhaiyan aghosh men le kar mujhe

puchhti hain kya kabhi tanhaiyan dekha na tha

kya mohabbat vo nasha hai main zara janun ‘nisar’

zindagi men is tarah pahle kabhi bahka na tha

More Poems

Leave a Comment