Tariq Naeem
aaj kis ḳhvab ki ta.abir nazar aa.i hai
ik chhanakti hui zanjir nazar aa.i hai
main ne jitne bhi savalon men use dekha hai
zindagi dard ki tasvir nazar aa.i hai
ḳhud bhi miT ja.un ye duniya bhi miTata ja.un
bas yahi surat-e-ta.amir nazar aa.i hai
raat ro ro ke gizari hai charaghon ki tarah
tab kahin harf men tasir nazar aa.i hai
barish-e-hijr ke aane ka hi imkan na ho
chashm-e-janan mujhe nam-gir nazar aa.i hai
dard ko aankh banaya hai to phir ja ke kahin
dil pe likkhi hui tahrir nazar nazar aa.i hai
shaam hoti thi suhani pa tire hijr ke ba.ad
aaj ye bhi mujhe dil-gir nazar aa.i hai
Leave a Reply