abhishek-shukla

Lahr Ka Khwab Ho Ke Dekhte Hain

lahr ka khvab ho ke dekhte hain

chal tah-e-ab ho ke dekhte hain

us pe itna yaqin hai ham ko

us ko betab ho ke dekhte hain

raat ko raat ho ke jaana tha

khvab ko khvab ho ke dekhte hain

apni arzaniyon ke sadqe ham

khud ko nayab ho ke dekhte hain

sahilon ki nazar men aana hai

phir to gharqab ho ke dekhte hain

vo jo payab kah raha tha hamen

us ko sailab ho ke dekhte hain

More Poems

Leave a Comment