tu agar be-naqab ho jaata
to har ik faizyab ho jaata
taare sab mahtab ho jaate
mahtab aftab ho jaata
likhte divan men jo vasf-e-ruḳh
har varaq aftab ho jaata
tu batata jo rah-e-mai-ḳhana
shaiḳh kar-e-savab ho jaata
imtihan lete hain vo maqtal men
pahle main intiḳhab ho jaata
thi hava-e-ḳhudi bhari is men
kyuun na be-ḳhud habab ho jaata
jaag uThte nasib ashiq ke
yaar agar mast-e-ḳhvab ho jaata
chain se sote farsh-e-rahat par
jo ḳhayal un ka ḳhvab ho jaata
shab-e-va.ada agar na aate aap
ḳhvab bhi mujh ko ḳhvab
kaash ai dard-e-ishq tere liye
dil mira intiḳhab ho jaata
yarab us but ko shoḳhiyan atin
duur us se hijab ho jaata
chaal chalte jo tum qayamat ki
fitna hi ham-rikab ho jaata
apna naḳhun tarashta vo ḳhud
mah-e-nau ka javab ho jaata
jang hoti adu se ai ‘sabir’
aur main fat.h-yab ho jaata
Leave a Reply