Main Apne Panw baDhaun Magar Kahan Aage

maiñ apne paañv baḌhā.ūñ magar kahāñ aage

zamīn ḳhatm huī ab hai āsmāñ aage

har ek moḌ pe maiñ pūchhtā huuñ us kā pata

har ek shaḳhs ye kahtā hai bas vahāñ aage

bichhaḌte jaate haiñ ahbāb ḳhvāb kī sūrat

guzartā jaatā hai yādoñ kā kārvāñ aage

bas agle moḌ talak hī ye saaf manzar hai

phir us ke ba.ad vahī be-karāñ dhuāñ aage

Leave a Comment