aas hi se dil men paida zindagi hone lagi
sham.a jalne bhi na paa.i raushni hone lagi
intiha-e-ishq hai kaisi jafa kaisa gila
ab to un ki har ḳhushi apni ḳhushi hone lagi
rok apna haath rok ab ai junun-e-jama-dar
husn-e-parda-dar ki parda-dari hone lagi
uljhi uljhi saans ghabra.i nazar bahke qadam
ai nigar-e-mast duniya dusri hone lagi
chand mera kahkashan meri gul-o-ghuncha mire
tum mire hone lage duniya miri hone lagi
Duube taare jhilmila.i sham.a shabnam ro paḌi
intizar-e-sub.h tha lo sub.h bhi hone lagi
soz-e-dil se raushni hone lagi dil men ‘nazir’
ishq ki duniya bhi duniya husn ki hone lagi
Leave a Reply