mohabbat mohabbat javani javani
dilon ka fasana nazar ki kahani
nigahon ko do izn-e-afsana-goi
murattab karo koi rangin kahani
ye aansu hain tum khel sakte ho in se
sitare na samjho inhen asmani
ghamon ke sahare jiye ja raha huun
tira dard hai hasil-e-zindagani
hasin fursaten hon mayassar to sun lo
nazar men liye phir raha huun kahani
tasavvur se mangi hai ‘altaf’ main ne
baharon men Duubi hui ik javani
Leave a Reply