mohr-ba-lab hai kis liye, kis liye bolta nahin
ai dil-e-be-talab! bata kya koi muddaa nahin
ahl-e-junun ko ab ke bhi izn-e-junun mila nahin
ab ke baras bhi baagh men phuul koi khila nahin
apna qusur hai to ye, aur koi khata nahin
ham ne faqih-e-shahr ko maana kabhi khuda nahin
ye to hua ki raushni aur bhi kuchh bhadak uthi
tez hava ke bavajud dil ka diya bujha nahin
rah-e-talab men aaj tak ahl-e-talab ka qafila
yuun hi ravan-davan raha aur kabhi thaka nahin
kis se talab karen bhala khuun ka apne khun-baha
apne alava aur koi apna harif tha nahin
dil ka ajiib rang hai aur vo shakhs sang hai
ta-ba-nigah duur tak jis ka koi pata nahin
Leave a Reply