poet

Kali Ghata Kab Aaegi Fasl-E-Bahaar Mein

kaali ghata kab aaegi fasl-e-bahar men

ankhen safed ho gaiin is intizar men

kyuun kar qarar aae dil-e-be-qarar men

tum puure kab utarte ho qaul-o-qarar men

tarik dasht ho gaya ankhon men qais ki

pinhan hua jo naqa-e-laila ghubar men

aae kabhi na phir tujhe sair-e-chaman men lutf

baithe agar tu aa ke dil-e-dagh-dar men

lazim nahin ki mard musibat men ho malul

khandan hamesha rahta hai gul kharzar men

hai ye kisi ki chashm-e-siyah-mast ka asar

tauba bhi ladkhadane lagi hai bahar men

hote vahan jo ‘dagh’ to dilli bhi dekhte

ab kya karenge ja ke us ujde dayar men

kya khaak apne dil ko tamanna-e-sher ho

juz khaar kuchh nahin chaman-e-rozgar men

juz ‘dagh’ aaj bulbul-e-hindustan hai kaun

kahte hain ham pukar ke ye sau hazar men

ai ‘mashriqi’ nasib na su-e-dua hai ye

kya gham jo jagta huun shab-e-intizar men

More Poems

Leave a Comment