afzal-khan

Jab Ek Sarab Mein Pyason Ko Pyas Utarti Hai

jab ik sarab men pyason ko pyaas utarti hai

mire yaqin ko qarin-e-qayas utarti hai

hamare shahr ki ye vahshiyana ab-o-hava

har ek ruuh men jangal ki baas utarti hai

ye zindagi to lubhane lagi hamen aise

ki jaise koi hasina libas utarti hai

tumhare aane ki afvah bhi sar ankhon par

ye bam-o-dar se udasi ki ghaas utarti hai

main sikh-pa huun bahut zindagi ki gaadi par

ye roz shaam mujhe ghar ke paas utarti hai

hamara jism sukun chahta hai aur ye raat

thakan utarne aati hai maas utarti hai

More Poems

Leave a Comment