Siraj Aurangabadi
aaya piya sharab ka pyala piya hua
dil ke diye ki jot siin kajal diya hua
aaya hai mere qatl pe darpesh be-tarah
aaya hai mujh kuun pesh vo apna kiya hua
maara hua hai khizr-e-mohabbat ki tegh ka
ab-e-hayat-e-shauq siin tere jiya hua
baitha hai takht-e-shauq pe jo ho ke be-riya
vo padshah-e-bargah-e-kibriya hua
nikla hai dil jala ke mujh ankhon se tifl-e-ashk
us shokh-e-be-jigar ka dekho kya hiya hua
dil le gaya hai mujh kuun de ummid-e-dil-dahi
zalim kabhi to laega mera liya hua
nahin jab siin paas shahid-e-gulgun-qaba ‘siraj’
ji par hai tang jism ka jaama siya hua
Leave a Reply