Sarfraz Nawaz
bala se naam vo mera uchhal deta hai
magar jo zahr hai dil ka nikal deta hai
bahut qarib hai mere bahut qarib hai vo
koi kisi ko yunhi kab malal deta hai
main sota rahta huun aur jaane kab ḳhuda mera
andheri raat ko suraj men Dhaal deta hai
ham apne ḳhvab jo ankhon men la ke rakhte hain
ijazaten hamen is ki ḳhayal deta hai
badan pe apne Thaharne ke ek lamhe men
ye lams ruuh ki parten ujaal deta hai
Leave a Reply