Iqbal Sajid
kal shab dil-e-avara ko siine se nikala
ye aḳhiri kafir bhi madine se nikala
ye fauj nikalti thi kahan ḳhana-e-dil se
yadon ko nihayat hi qarine se nikala
main ḳhuun baha kar bhi hua baagh men rusva
us gul ne magar kaam pasine se nikala
Thahre hain zar-o-sim ke haqdar tamasha.i
aur mar-e-siyah ham ne dafine se nikala
ye soch ke sahil pe safar ḳhatm na ho jaa.e
bahar na kabhi paanv safine se nikala
Leave a Reply