aur ai chashm-e-tarab bada-e-gulfam abhi
dil hai be-gana-e-andesha-e-anjam abhi
bada-o-saqi-o-mutrib ka na lo naam abhi
gard-alud hai a.ina-e-ayyam abhi
dil hai majruh par-o-bal shikasta hamdam
daam se chhuT ke bhi huun main tah-e-dam abhi
mani-o-maqsad-e-hasti ka samajhna ma.alum
aql hai sirf parastari-e-auham abhi
ishrat-e-jalva-e-be-bak mubarak ai ishq
dida-o-dil hain magar tishna-e-paigham abhi
gham nahin sab pe agar chashm-e-karam hai teri
gham to ye hai ki sitam bhi hai tira aam abhi
ai subuk-sair-e-nazar ek payam-e-rangin
hai harif-e-gham-e-dil gardish-e-ayyam abhi
davat-e-shauq ba-unvan-e-sitam bhi to nahin
us pe ilzam ki hai jazba-e-dil ḳhaam abhi
tu ne kya chiiz bana di nigah-e-sehr-taraz
vo jo thi shisha-e-dil men mai-e-be-nam abhi
zindagi manzil-e-maqsud se agah nahin
us ki me.araj hai parvaz sar-e-bam abhi
kis ko ye hosh ki paigham-e-mohabbat samjhe
dil hai varafta-e-rangini-e-paigham abhi
Leave a Reply