Abdur Rauf Urooj
khamoshi meri lai men gungunana chahti hai
kisi se baat karne ka bahana chahti hai
nafas ke loch ko khanjar banana chahti hai
mohabbat apni tezi azmana chahti hai
mabada shahr ka rasta koi rah-rah na pa le
hava qabron ki shamen bhi bujhana chahti hai
gulabon se lahu rista hai meri ungliyon ka
faza kaisi chaman-bandi sikhana chahti hai
main ab ke us ki buniyadon men lashen chun raha huun
imarat koi qasr-e-dil-barana chahti hai
jahan patthar sahi lekin junun ki khud-numai
fareb-e-jalva-e-aina-khana chahti hai
Leave a Reply