Raghunandan Sharma Danish
kaise pa.un tujhe girdab nazar aata hai
aur tu mujh ko tah-e-ab nazar aata hai
tu jo dikh jaa.e to main iid mukammal samjhun
ab mujhe tujhmen hi mahtab nazar aata hai
chaak daman bhi hai muflis bhi hai be-ghar bhi hai
is liye zar ka use ḳhvab nazar aata hai
ek vo shaḳhs jo auron ke liye jiita ho
aaj ke daur men kamyab nazar aata hai
daur-e-mushkil men mujhe jis ne nahin pahchana
aaj vo milne ko betab nazar aata hai
Leave a Reply