Kaise Paun Tujhe Girdab Nazar Aata Hai

kaise pā.ūñ tujhe girdāb nazar aatā hai

aur tū mujh ko tah-e-āb nazar aatā hai

tū jo dikh jaa.e to maiñ iid mukammal samjhūñ

ab mujhe tujhmeñ hī mahtāb nazar aatā hai

chaak dāman bhī hai muflis bhī hai be-ghar bhī hai

is liye zar kā use ḳhvāb nazar aatā hai

ek vo shaḳhs jo auroñ ke liye jiitā ho

aaj ke daur meñ kamyāb nazar aatā hai

daur-e-mushkil meñ mujhe jis ne nahīñ pahchānā

aaj vo milne ko betāb nazar aatā hai

Leave a Comment