agar ḳhushi men tujhe gungunate lagte hain
to log shahr se aansu bahane lagte hain
nikal ke aankh se lafzon men aane lagte hain hain
miyan ye ashk hain yunhi Thikane lagte hain
guzar chuke hain kisi aks ki ma.ayyat men
ham aise log jo a.ina-ḳhane lagte hain
to karne lagte hain ghusl-e-talash-e-misra-e-nau
ham apne aap ko jab bhi purane lagte hain
baghaur dekhen to yak-jast fasle pe hai tu
lagana chahen to sadiyan zamane lagte hain
shajar huun aur parindon se hai bahar miri
ye mujh pe aa.en to phal-phul aane lagte hain
karen to kya hamen amboh-e-ḳhvab rokta hai
kabhi jo so.e huon ko jagane lagte hain
ham aa.ine men tira aks dekhne ke liye
ka.i charagh nadi men bahane lagte hain
Leave a Reply