silsila zaḳhm zaḳhm jaari hai
ye zamin duur tak hamari hai
is zamin se ajab ta.alluq hai
zarre zarre se rishtedari hai
main bahut kam kisi se milta huun
jis se yaari hai us se yaari hai
naav kaghaz ki chhoḌ di main ne
ab samundar ki zimmedari hai
bech Daala hai din ka har lamha
raat thoḌi bahut hamari hai
ret ke ghar to bah ga.e lekin
barishon ka ḳhulus jaari hai
koi ‘nazmi’ guzar kar dekhe
main ne jo zindagi guzari hai
Leave a Reply