Ashk-E-Gulgun Ko Na Khun-E-Shohada Ko dekha

ashk-e-gulgun ko na khun-e-shohada ko dekha

shokh jaisa ki tire rang-e-hina ko dekha

tujh ko dekha na tire naz-o-ada ko dekha

teri har tarz men ik shan-e-khuda ko dekha

hain tujhe dekh ke huran-e-bahishti betab

ya tire kushta-e-andaza-o-ada ko dekha

tishna-e-ab-e-dam-e-tegh ne piina kaisa

aankh utha kar na kabhi ab-e-baqa ko dekha

mujhe kafir hi batana hai ye vaaiz kam-bakht

main ne bandon men kai baar khuda ko dekha

nikhat-e-zulf-e-moambar ko chaman men paaya

aate jaate tire kuche men saba ko dekha

‘mail’ iman hai bil-ghaib hamen logon ka

ki payambar ko hai dekha na khuda ko dekha