Ammar Yasir Migsi
jab us ke vasl ki ḳhvahish javan ho rahi thi
vo shahzadi yaqin se guman ho rahi thi
vo mere pyaar se munkir hui thi us pal jab
qasam uTha raha tha main azaan ho rahi thi
main us se ishq pe ghanTon se bahs kar raha tha
na mere ashk ruke na thakan ho rahi thi
juda hui thi vo jab dil pe vaar karne ko
falak pe qaus-e-quzah bhi kaman ho rahi thi
vo laḌki kitni haqiqat-pasand thi ‘ammar’
hansi-ḳhushi se jo ḳhud dastan ho rahi thi
Leave a Reply