Yak-Ba-Yak Jo Kisi Ka KHayal Aa Gaya

yak-ba-yak jo kisī kā ḳhayāl aa gayā

ruuh be-ḳhud huī dil ko haal aa gayā

dahr se rasm-e-mahr-o-vafā uTh ga.ī

ādamiyyat meñ kaisā zavāl aa gayā

koī dekhe tire husn kī sāhirī

jis ne dekhā tujhe us ko haal aa gayā

paḌ ga.ī jab kisī kī nigāh-e-karam

mere bhauoñ meñ rang-e-kamāl aa gayā

pūchhte kyā ho ‘parvez’ kī dāstāñ

un kī mahfil se ho kar niDhāl aa gayā

Leave a Comment