kaise kahen ki kaise guzari hai zindagi
kya bojh thi ki sar se utari hai zindagi
maqtal the gaam gaam ye rasta tavil tha
apne lahu se ham ne sanvari hai zindagi
karti hai ḳhud talash ye kanTon ka rasta
is vaste sukun se aari hai zindagi
qaa.em hai ek fasla donon ke darmiyan
shak aur yaqin ke saath ab jaari hai zindagi
main janti huun zindagi hai karb-o-iztirab
sanson ke bojh se baḌi bhari hai zindagi
‘shahin’ apni haar par hai mutma.in ki bas
ik jiit ke liye hi to haari hai zindagi
Leave a Reply