Kaise in Sachche Jazbon Ki Ab Us Tak Tafhim Karun

Farooq Bakshi

kaise in sachche jazbon ki ab us tak tafhim karun

ruThne vaala ghar aa.e to lafzon men tarmim karun

mujh se bichhaḌ kar jaane vaale itna to samjhata ja

apne aap ko do hisson men kaise main taqsim karun

ahl-e-siyasat baanT rahe hain jaan se pyare logon ko

main sha.ir huun sach kahta huun kyuun un ki tazim karun

vo bhi zamana-saz hua hai tum bhi Thiik hi kahte ho

meri bhi majburi samjho kis dil se taslim karun

tujh se bichhaḌna qismat men tha jiina to majburi hai

soch raha huun ujḌe ghar ki phir se na.i tazim karun

koshish to ki laakh magar kuchh baat nahin banti ‘faruq’

soch raha huun saara manzar lafzon men tajsim karun