Anwar Shadani
paḌe jo kaam to dil se kisi ka saath na de
vo aadmi nahin jo aadmi ka saath na de
charagh vo hai andheron ko jo kare raushan
vo kya charagh hai jo raushni ka saath na de
chaman men ab to ye halat hai ham-nashinon ki
ki jaise koi qafas men kisi ka saath na de
andhera chha nahin sakta kabhi ujale par
tumhari zulf agar tirgi ka saath na de
ḳhuda kare o mire dil ko toḌne vaale
tira shabab tiri nazuki ka saath na de
gham-e-zamana se Takra sake ye na-mumkin
agar sharab miri zindagi ka saath na de
agar kahin unhen be-parda dekh le ‘anvar’
yaqin hai chand kabhi chandni ka saath na de
Leave a Reply