jo mujh pe qarz hai is ko utaar ja.un main
ye aur baat hai jiito ki haar ja.un main
kabhi main ḳhvab men dekhun hari bhari faslen
kabhi ḳhayal ke dariya ke paar ja.un main
ik aur ma.arka-e-jabr-o-iḳhtiryar sahi
ik aur lamha-e-taza guzar ja.un main
bikhar ga.e hain jo lamhe sameT luun un ko
bigaḌ ga.e hain jo naqshe sanvar ja.un main
kabhi to apni talab men bhi is tarah niklun
ḳhud apne-ap se begana-var ja.un main
lahu ka rang ki atish ka rang kuchh to ho
jo naqsh dab se ga.e hain ubhar ja.un main
mohabbaton ko na lag jaa.e nafraton ki nazar
ḳhuda kare ki har ik dukh sahar ja.un main
phir apna aks main apni hi zaat men dekhun
jo ho sake to har ik dukh ke paar ja.un main
kisi ke rang men ḳhud ko main rang luun ‘at.har’
javab aa.e na aa.e pukar ja.un main
Leave a Reply