hasrat-mohani

Kaise Chhupaun Raaz-E-Gham Dida-E-Tar Ko Kya Karun

kaise chhupaun raz-e-gham dida-e-tar ko kya karun

dil ki tapish ko kya karun soz-e-jigar ko kya karun

shorish-e-ashiqi kahan aur meri sadgi kahan

husn ko tere kya kahun apni nazar ko kya karun

gham ka na dil men ho guzar vasl ki shab ho yuun basar

sab ye qubul hai magar khauf-e-sahar ko kya karun

haal mera tha jab batar tab na hui tumhen khabar

baad mere hua asar ab main asar ko kya karun

More Poems

Leave a Comment