Poet
kaisa hi dost ho na kahe raz-e-dil koi
nikli jo baat munh se to phaili jahan men
sach sach kaho ye baat banana nahin pasand
kya kah rahe the ghair abhi chupke se kaan men
puchha hai hal-e-zar to sun lo khata-muaf
kuchh baat mere honton men hai kuchh zaban men
ashiq se puchhiye na sar-e-bazm hal-e-dil
parde ki baat sunte hain chupke se kaan men
furqat men kya bataun ki din hai ki raat hai
ankhon ko sujhta nahin rone ke dhyan men
qasr-e-jahan hai tere faqiron ka jhonpada
mahlon se badh ke chain hai apne makan men
do din ki zindagi men jo chahe koi kare
rah jaati hai bhalai burai jahan men
Leave a Reply