Kaisa Hai Mera Aks Nahin Dekhna Mujhe

kaisā hai merā aks nahīñ dekhnā mujhe

lagtī hai merī zaat hī ḳhud ā.īna mujhe

apnā hī ban sakā na kisī kā maiñ ho sakā

ḳhud-āgahī ke zo.am ne dhokā diyā mujhe

mil kar maiñ us se ā.ina-ḳhāne meñ jab gayā

hairat se tak rahā thā har ik aa.ina mujhe

dair-o-haram kī raah farāmosh ho ga.ī

terī talāsh ne ye kahāñ gum kiyā mujhe

ab kosnā abas hai ‘zafar’ kaalī raat ko

sūraj kī raushnī ne bhī andhā kiyā mujhe

Leave a Comment