Syed Shakeel Desnavi
ik tamanna hai ḳhamoshi ke kaTahre kitne
dil ki dahliz pe ehsas ke pahre kitne
kitne gahre hain ki ik umr lagi bharne men
vaise lagte hain sabhi zaḳhm ikahre kitne
sab ne dekhe mire honTon pe tabassum ke gulab
kis ne dekha hai mire zaḳhm hain gahre kitne
kitne arman ka lahu in men basa hai ‘sayyad’
yuun to lagte hain sabhi ḳhvab sunahre kitne
Leave a Reply