Sufi

Jab Khayal Aaya Mujhe Tere Rukh-e-Pur-Nur Ka

jab khayal aaya mujhe tere rukh-e-pur-nur ka

phir gaya naqsha meri ankhon men chashm-e-tur ka

aable padne lage pa-e-khayal-o-fikr men

hai ye aalam atish-e-gham se dil-e-mahrur ka

ek nazar men jis ne lakhon ko kiya be-hosh-o-mast

dekhne vaala huun main us nargis-e-makhmur ka

juz malal-o-huzn-o-andoh-o-haras-o-dard-o-gham

aur koi ab nahin monis dil-e-ranjur ka

fakhr ye hai main shah-e-‘varis’ ke dar ka huun faqir

martaba ‘aughat’ nahin jo qaisar-o-faghfur ka

More Poems

Leave a Comment