aatish-indori

Ulfaton Ka Khuda Nahin Hun Main

ulfaton ka khuda nahin huun main

ranj-o-gham se juda nahin huun main

ek arsa hua gae us ko

ab to us ka pata nahin huun main

kalyugi soch se huun pardushit

koi taaza hava nahin huun main

kharchon ke bojh ne kamar todi

shauq se kui jhuka nahin huun main

bevafa ba-vafa nahin hoga

ishq ki kimiya nahin huun main

chand sikke hain logon ki qimat

shukr hai ki bika nahin huun main

dharm aur zaat ki jakad aisi

par to hain par uda nahin huun main

More Poems

Leave a Comment