Taruna Mishra
ḳhud ko ham yuun tabah kar lenge
ḳhubsurat gunah kar lenge
tum na mil paa.e koi baat nahin
ranj-o-gham se nibah kar lenge
bandishen toḌ kar zamane ki
ham mohabbat ki raah kar lenge
us ki ankhon men Dubne ke liye
apne dil se salah kar lenge
saari duniya se ho ke be-parva
us ki janib nigah kar lenge
ham ne aisa kabhi na socha tha
ishq ham be-panah kar lenge
Leave a Reply