Ammar Yasir Migsi
kaisa Dar ashkon ki naql-e-makani par
hijr ka pahra hai ankhon ke paani par
us ko hansta dekh ke phuul the hairat men
vo hansti thi phulon ki hairani par
chashme ke paani jaisa shaffaf huun main
daagh koi dil men hai na peshani par
girah laga kar chadar Daali misre ki
main ne dusre misre ki uryani par
val-asr innal-insana ka vird kiya
vaar di shahron ki raunaq virani par
Leave a Reply