akhtar-ansari-akbarabadi

Kaifiyat Kya Thi Yahan Aalam-e-Gham Se Pahle

kaifiyat kya thi yahan alam-e-gham se pahle

kaun aaya tha tiri bazm men ham se pahle

sab karam hai tire andaz-e-sitam se ai dost

zauq-e-gham dil ko na tha tere sitam se pahle

bandagi teri ḳhudai se bahut hai aage

naqsh-e-sajda hai tire naqsh-e-qadam se pahle

qalb-e-insan ko hai ab phir usi aalam ki talash

teri mahfil thi jahan dair-o-haram se pahle

ham se mansur zamane men kahan hain ‘aḳhtar’

daar tak aa nahin sakta koi ham se pahle

More Poems

Leave a Comment