Kahun Kya Fasana-E-Gham Use Kaun Manta Hai

kahun kya fasana-e-gham use kaun manta hai

jo guzar rahi hai mujh par mira dil hi janta hai

tu saba ka hai vo jhonka jo guzar gaya chaman se

na vo raunaqen hain baaqi na kahin suhanta hai

use main nasib janun ki bashar ki khud-farebi

koi bhar raha hai daman koi khaak chhanta hai

tira yuun khayal aaya mujhe gham ki dopahar men

koi jaise apna anchal mire sar pe tanta hai

main nizam-e-zar ki devi se ‘qatil’ ashna huun

kahin naam us ka salma kahin chandrkanta hai

Leave a Comment