Akhgar Mushtaq Raheem Aabadi
bedad-e-taghaful se to baḌhta nahin gham aur
mere liye sikho koi andaz-e-sitam aur
maghmum to donon hain magar farq hai itna
un ko koi gham aur hai mujh ko koi gham aur
zahir men jafaon pe vo sharminda hain lekin
nazren yahi kahti hain abhi honge sitam aur
har baat men karte ho jo tafriq man-o-tu
is ka to ye matlab hua tum aur ho ham aur
Leave a Reply