Ahmad Mushtaq
kahun kis se raat ka majra nae manzaron pe nigah thi
na kisi ka daman-e-chak tha na kisi ki tarf-e-kulah thi
kai chand the sar-e-asman ki chamak chamak ke palat gae
na lahu mire hi jigar men tha na tumhari zulf siyah thi
dil-e-kam-alam pe vo kaifiyat ki thahar sake na guzar sake
na hazar hi rahat-e-ruh tha na safar men ramish raah thi
mire char-dang thi jalvagar vahi lazzat-e-talab-e-sahar
magar ik ummid-e-shikasta-par ki misal-e-dard siyah thi
vo jo raat mujh ko bade adab se salam kar ke chala gaya
use kya khabar mire dil men bhi kabhi arzu-e-gunah thi
Leave a Reply