ḳhushi ki chehre pe gham ka jalal saath liye
hayat milti hai par intiqal saath liye
bulandiyon pe sabhi aa ke bhuul jaate hain
uruuj aata hai lekin zaval saath liye
vo ḳhuun ankhon se rona amal purana hai
ab ashk bahte hain ankhon ki khaal saath liye
ka.i jami hui parten udheḌ Dalega
ye mujh men kaun hai utra kudal saath liye
ḳhabar ye ghol na de machhliyon ko paani men
machhere a.enge kal sub.h jaal saath liye
yahan pe chhoḌ diya to javab Das lenge
main lauT ja.unga apna saval saath liye
vo peT ke liye kaafi nahin hai ab ‘fani’
tu ja raha hai jo rizq-e-halal saath liye
Leave a Reply