Zareef Lakhnavi
ilm men jhengar se baḌh kar kamran koi nahin
chaaT jaata hai kitaben imtihan koi nahin
zulm hai ba-vasf mehr is ko kahen na-mehrban
asman se baḌh ke sachcha mehrban koi nahin
lucknow dilli inhin shahron pe kya mauquf hai
har jagah ahl-e-zaban hain be-zaban koi nahin
hai masal mash.hur dast-e-ḳhud-dahan-e-ḳhud ‘zarif’
hoTalon men mehman-o-mezban koi nahin
Leave a Reply