kahish-e-gham ne jigar ḳhuun kiya andar se
ham ne bahar bhi yahi zahr piya andar se
zinda lagta huun to ye fan hai mire sahir ka
in nigahon ne mujhe khinch liya andar se
vo bhi ro ro ke bujha Daala hai ab ankhon ne
raushni deta tha jo ek diya andar se
mizha-e-multafit-e-yar hai badnam abas
us ne to dil ka bas ik chaak siya andar se
koi bahar bhi to dekhe miri gulgun ashk
dil ki pur-ḳhuni ne kya rang kiya andar se
Leave a Reply