ankhon men ḳhvab aur rag-o-pai men ḳhuun nahin
laila-o-dasht hai magar ab vo junun nahin
ye iztirab aur bhi baḌhta hai ruuh men
ab ḳhvab men bhi mujh ko mayassar sukun nahin
tinka sa ban ke rah ga.e hain sat.h-e-ab par
ham bahna chahte the ai dariya pa yuun nahin
ḳhali paḌi hui hai miri ka.enat-e-dil
gham bhi koi bacha hua ab ke darun nahin
tufan-o-barshgal se go purza purza hai
kashti ka badban magar sar nigun nahin
avaz mar rahi hai magar shahr men ‘figar’
koi malul-e-harf ki mayyat pe kyon nahin
Leave a Reply