kahin ye dard ka dhaga bhi yuun sulajhta hai
girah jo kholen to dil aur bhi ulajhta hai
vo ek baat jo dil men hai mere us ke liye
zaban se kahta nahin vo magar samajhta hai
main teri ankhon ki ye pyaas kis tarah dekhun
mire vajud men badal koi garajta hai
ajiib chiiz hai ye ḳhubi-e-ḳhutut-e-badan
koi libas ho us ke badan pe sajta hai
ye raat aur ye Dasti hui si tanha.i
lahu ka saaz ‘qamar’ tan-badan men bajta hai
Leave a Reply