Kahin To Aa Ke Ruke Bhi Musafiri Meri

kahin to aa ke ruke bhi musafiri meri

ki mujh ko DhunDhti rahti hai be-ghari meri

main jis ke vaste khud ko bhulae baitha huun

usi ko bhuul na jaae ye sadgi meri

kabhi bhi khul ke kisi se kalam kar na saka

tamam umr faza hi thi ajnabi meri

hai raushni ka havala paraya des magar

taras rahi hai ujalon ko zindagi meri

bas ik tamanna si rahti hai jo satati hai

yahi ki tujh ko pasand aae shairi meri

vafa ki raah ko is taur se kiya raushan

ki yaad aaegi duniya ko ashiqi meri

Leave a Comment