Athar Shakeel
jaise hi chashm-e-ravaq se gir gaya
jagmagata diya taaq se gir gaya
ek laghzish se donon hi rusva hue
vo nazar se main afaq se gir gaya
sher kahne ko likkha tha main ne abhi
ek mazmun auraq se gir gaya
us ki nazron se main kya gira ek baar
yuun laga jaise afaq se gir gaya
ek beTa takabbur ke akash se
baap ke lafz ik aaq se gir gaya
tirgi jab na miT paa.i sukha diya
TimTimata hua taaq se gir gaya
tamkanat ke sabab ik amir-ul-muluk
yaad rakh chashm-e-ḳhallaq se gir gaya
Leave a Reply