Pahla Sa Wo Junun-E-Mohabbat Nahin Raha

pahlā sā vo junūn-e-mohabbat nahīñ rahā

kuchh kuchh sambhal ga.e haiñ tumhārī duā se ham

yuuñ mutma.in se aa.e haiñ khā kar jigar pe choT

jaise vahāñ ga.e the usī mudda.ā se ham

aane do iltifāt meñ kuchh aur bhī kamī

mānūs ho rahe haiñ tumhārī jafā se ham

ḳhū-e-vafā milī dil-e-dard-āshnā milā

kyā rah gayā hai aur jo māñgeñ ḳhudā se ham

pā-e-talab bhī tez thā manzil bhī thī qarīb

lekin najāt pā na sake rahnumā se ham

Leave a Comment