Arsh Malsiyani
pahla sa vo junun-e-mohabbat nahin raha
kuchh kuchh sambhal ga.e hain tumhari dua se ham
yuun mutma.in se aa.e hain kha kar jigar pe choT
jaise vahan ga.e the usi mudda.a se ham
aane do iltifat men kuchh aur bhi kami
manus ho rahe hain tumhari jafa se ham
ḳhu-e-vafa mili dil-e-dard-ashna mila
kya rah gaya hai aur jo mangen ḳhuda se ham
pa-e-talab bhi tez tha manzil bhi thi qarib
lekin najat pa na sake rahnuma se ham
Leave a Reply