kahin azaab kahin par savab likhte hain
farishte roz hamara hisab likhte hain
bahut se log to aise bhi hain isi yug men
kitab paḌhte nahin hain kitab likhte hain
vo apne jism ke ḳhanon men aag rakhte hain
gulab hote nahin hain gulab likhte hain
yahan ke log to ta.abir jante hi nahin
ye apne niind men rahne ko ḳhvab likhte hain
tumhare zulm tumhare sitam nahin likhte
ham apne aap ki qismat ḳharab likhte hain
Leave a Reply