Azra Abbas
jo kisi bhi lafz par
na lagaya ja sake
aur vo nuqta
alahida
alag-thalag
khada rahe
kisi bhi guman ke sahare
is intizar men
ki koi aisa lafz aa jaae
jis par use lagaya ja sake
ye bhi ho sakta hai
vo nuqta
sadiyon us lafz ka
intizar karta rahe
ye bhi ho sakta hai
sadha saal guzar jaane ke baad
ye saare lafz bosida ho jaaen
aur gal-sad kar
tahlil ho jaaen
aur kuchh baaqi na rahe
sirf vo nuqta rah jaae
Leave a Reply