gul-zamina!
suno
toda-e-khak par
apni konpal si ungli se
kya likh rahi ho?
gul-zamina ne sharbat bhari ankhen uupar uthain aur kahne lagii…
kuchh hi din qabl
ye toda-e-khak hi mera schōl tha
main ne allah ka naam
ya-hafizo
us ki divar par likh diya tha
mere kaghaz, qalam, aur kitaben
mere kumbe ke ham-rah sab mit chuke hain
main yahan roz aati huun
apni yadon ke baste se
pichhle sabaq dhundhti huun
safha-e-khak par un ko likhti huun
aur laut jaati huun
meri qismat men padhna nahin hai
na ho!
mera amokhta
mera likhna to jaari rahe
Leave a Reply