havas men vo raha ho ki bad-havas bahut
har aadmi ko badalne paḌe libas bahut
thakan se chuur badan dasht-e-yas-o-tanha.i
andheri raat nadi duur aur pyaas bahut
sharab-ḳhane ka saada sa ik usuul ye hai
jise sharab mayassar use gilas bahut
qadam qadam nazar aate hain maut ke saa.e
hamare dasht se shahron men hai hiras bahut
ba-har-amal abhi radd-e-amal zaruri hai
suḳhan-shanas koi ho ki na-shanas bahut
Leave a Reply